隔牆有耳：大劉子想知80後諗乜

香港富二代好少公開談時事、講政治，大劉兒子、華置董事劉鳴煒被稱為「公職新人王」，好少公開議政論政，佢
日前接受智庫組織Roundtable訪問，卻大談對80後睇法、地產霸權、官商勾結問題，呢啲富豪第二代係地產霸權upand-coming接班人，佢哋講得啱唔啱都值得留意。
唔捐錢畀香港政黨

劉鳴煒坦言唔明白成日上街嗰班80後嘅諗法，好有興趣問吓佢哋點解咁做，點解咁多怨氣，佢似乎對80後唔係一面
倒批評，認為如果有能力在網上發動群眾運動，喺組織力方面都可以算係傑出表現。香港好多人花半世人供樓，變
相為地產商打工，地產霸權有切膚之痛，劉鳴煒話身為中型發展商，華置對復建居屋、打擊樓市睇法比較liberal。
至於官商勾結，劉鳴煒認為只係市民「形」住嘅錯覺，佢覺得官員根本冇誘因去勾結商人，因為怕俾廉署查，又驚
俾人鬧，既然冇着數：「點解特登要幫（商界）？」不過佢承認高樓價、高租金係不能否認事實，不過冇可能長期
維持。

劉鳴煒對時事嘅關注程度令八方意外，講到特區政府似乎冇乜決心推動香港經濟轉型，唔再倚賴金融地產兩瓣時
，佢竟然提到梁振英提出香港可以做航運中心嘅建議，衷心覺得CY呢個建議「行得通」。近年擔任多項公職，劉鳴
煒話工作量已經「飽和」，相信未來一兩年唔可能再接受更多新公職，亦冇打算做更顯著職位，因為喺現時社會氣
氛，佢唔會全職從政。

商人對政治多數敬而遠之，劉鳴煒稱冇興趣捐款畀本地任何政黨，民建聯都唔捐，因為個個黨都「好唔成熟」、「
揀唔落」，假如佢係英國商人，則會選擇捐款保守黨，因為係least worst。點解worst都要捐呢？答案唔難找，根
據資料，05年曾蔭權參選，華置有捐助選舉經費，大劉早前更豪捐2億元畀關愛基金