原文轉載自高登討論區,作者:雷勁
http://forum1.hkgolden.com
===
一片汪洋, 有隻大鐵船死氣沉沉
隻船外形好大, 睇得出以前都好巴閉.
兩條大煙囪, 斷左一條, 船尾支旗破碎地漂揚
條船唔係唔行, 不過很得好慢, 好慢…
船長住係88樓, 高高在上…
冇人知佢係上面做緊咩, 淨係知佢郁下就面黑同埋好小器,
佢個鼻生係頭頂, 一片不可一世樣子
但係當有貴客上船, 佢就會好熟練的扒低奶貴賓屎眼..
有時佢出巡, 懷中必抱著一條錦鯉, 用手摩下摩下
船長身材矮小, 眼光鬼鼠, 尾指甲留長餘呎…一副奴材相…
聽講佢從來未去過六十四樓以下概世界,
船艙峽小, 船員艱苦生活, 悶熱概機房… 佢一於少理
係人都知, 隻船根本冇左個船舵, 好似話十二年前已幾俾老祖宗呀爺偷偷拆左,
沉左係大北列巔冰洋深處…
而家鐵船只係無主孤魄係海上随波逐流, 原地踏步….
===
船身傾斜得好嚴重, 聽講斜左去果邊, 就係住左好多有錢人, D黄金重到船都側埋.
由慳電燈泡發出的熣眼燈光, 晚上將黑漆海水都照得通明, 日夜酒杯交錯, 好不熱鬧…
奇怪係另一邊黑漆漆的破爛甲板, 住左萬千如螻蟻般的下等濺民.
幾百萬血肉身軀, 卻輕如鵝毛..
有蟻民向上層大聲渲叫, 投訴隻船下底入水, 樓下水深火熱,
但係樓上班達官貴人開淫亂party, 上下其手,好嘈, 根本冇人聽到
有人嚐試偷偷走上船長室, 都未到路口…就俾D綠龜仔擋著, 踢左落大海……死了
奇怪係一邊有人跳海自盡, 船尾又有大肚難民爭著爬上爛船…
===
船上食物不多, 本來按各人能力楷級勞動分配, 十分安寧
但後來錦鯉船長上任, 情況就大大不同
有老人家機乎連生果都冇得食, 被人搶曬, 因為有錢人開party要整七彩果盤,
但好多果盤最後冇人食要倒入大海....
賣紙皮呃秤一個幾毫就坐監殺頭, 大商家賣發水床位就攞大玫瑰勳章, 升官發財..
船長下面有幾個副手同幾十個副副手, 他們都長得人一樣概模樣, 用腳行路
只有一個長了一個馬臉, 卻用屁股思考, 是一個明日之星.
===
本來爛船有三分釘, 改裝一下, 馬力十足
由老祖概老祖大不列顛船長教落左幾招三腳貓功夫
可與其他大船一較高下, 出大海, 捉大魚
可惜屎眼船長終日沉迷舐菊花, 攪親梳火車, 皮笑肉不笑.
錯失大好時辰. 賣血偷生, 出賣船員….
以前腳痛船長, 渣船技術係就係水皮D
有時加速失控, 有時急停撞石
笨柒一個. 但係一片好心.
點知真係日防夜防, 犬賊難防…
表面大鐵船還可正常運作, 只是錦鯉船長在暗地
偷偷地在偷偷幹一個驚天大陰毛……..
===
船上濺民中已經傳左一個說法
冇人敢大聲講
只好細聲說….
如果你留心睇下支爛旗方向, 再睇下D水花
不多久, 你就會發現…冇錯…隻船並唔係向前行
係向後行,…… 用慢車向後慢慢行.
機房大副一早就發現, 很快就被滅口
屍体找不到, 家人卻收到買棺材有减價的100元優惠券
車葉明明是反向而行, 但係每次有人質問船長
他必會先面黑, 然後會張大雙眼說係報紙報導錯誤.....
由於要倒後行, 逆水, 所以蟻民要花更大氣力
七勞八傷, 大鐵船五六年來並無寸進.
換來徒勞無功….
蟻民開始不滿…
===
傳說話以前隻鐵船, 其實係一只細小漁船
名不經傳, 有點寒酸
以打魚為生, 但船上人人善良又勤力,
很奇怪, 船長是個洋人, 紅鬚綠眼. 不知不覺已經好幾代了
船員也不見得純正, 很多是從遠處一隻大爛船偷渡過黎
漁船不大, 百來呎, 斗室雖小, 卻裝得下一個大同世界…
洋人不管雞毛小事, 只管大方向,
將小漁船管理得井井有條, 又有秩序
洋鬼子船長有大能力, 有方向感, 所到之處, 水深多魚,
有時興起, 走入百姓船倉, 飲下涼茶, 食下蛋撻, 抱下BB.
真真假假也好, 大家以笑相待. 邊到有斤斤計較.
===
船員個個辛勤工作, 有信心, 有笑容. 又有錢.
晚上打洋關電視前, 總見到洋人船長的老祖母…
臉容詳和, 雍容漂亮高雅, 從來冇人投訴.
反而而家六點半一播果隻歌我就肚痛…
漁船, 有邊隻未經過大風浪…
有一日, 海上飄來了很多屍體. 有的失去半邊腦袋
有五花大绑, 有一家大小, 發脹的, 斷手斷脚的…
拖着血水腦槳….死得好可憐,
船上人人見到無不動容流淚..
===
大家也都是黃皮膚, 只好抹一把汗. 慶幸自已生不在賊船.
世上總有好心人, 這隻小船上特別多.
後來好多人大包小包雪櫃電視罐頭綿被毛衣手錶乾糧牙刷…
無人計較有什麼回報, 光靠一點人性..
…………當時切左個頭都冇人想到…
幾十年後返過來救濟我們的, 就是這隻大爛船吃剩掉下來的冷飯菜泄…
鄉巴農民腳踏牛屎, 手持紅酒杯, 帶充滿雪茄的大口氣上了我們的船…
這是後話了……………
話說回來,
多得海龍皇祝福, 漁船無驚無險全速行左三四十年.. 略有小成, 大海洋中無人不曉
間中隅有小風浪, 洋人船長第三十二代傳人羅拔臣先生, 不負眾望, 看風駛裡
避過子彈, 避過坦克大炮, 隅然又跑得快過其他小船….好不威水風流….
船行左幾十年, 從來冇入過後波, 後波生鏽了. 只懂向前沖
莫講話後波, 慢小小都未試過…
===
財大氣租, 長年加建, 惜日漁船沖過了紅絲帶
眼前一亮變了一艘鍍金大鐵船…
船上概人一早己經唔識打魚, 這個時代叫酒池肉林.
轉手炒賣船倉小床位, 好過打十年魚
鐵船上的地主滿肚腸肥, 魚子醬伴香檳夾乳房和著吞…
蘼爛的氣味由船倉傳上甲板再燻煙著每一隻半醉裸體的肉蟲
傳說中概爛木船在不遠處虎視耽枕..
冇人知道船長門幾時打開左. 羅拔臣已經安排左小艇由相反方向逃走
接手的人, 圓碌碌頭髮白白, 其實還未識分左右…
……係時侯撞船了……
===
……係時侯撞船了……
“撞” 這個字, 其實帶點迷離的味道..
一男一女在街上相撞, 兩情相悅, 可以發展成粉紅色香艷故事
加速了的原子, 相撞後可以畫出漂亮的螺旋圖案
薑汁撞奶, 你會驚奇小小的味蕾可同時感受兩種極端的味道……
而, 汽車高速相撞……那種爆發出來的可怕力量
你想像不到司機和乘客原來可以在閃迅間飛出窗外………
防撞欄小姐熟練的先把乘客肚子擋開,
司機還未定神, 燈柱先生帶著微笑把乘客的兩隻小腿反轉屈斷了.
當乘客在柏油上滾動了一段路, 終於舒服地躺在路旁草地..
……肚裡面的小腸, 大腸, 血紅色的肝和肺, 在這時才慢慢流出來..
夾著大量鮮血,....
鮮血流出來之後, 就順著斜路一行行安靜的流入水渠…
乘客還想打多一個電話, 但摸不到下身的褲袋…
===
司機嚇呆了, 自己也攪不明白, 他只是輕力踏油門.
卻想像不到後果…
據說世界上百份之九十七的相撞是可以避免的………
…羅拔臣先生甚至不知道誰會接手掌舵
反正電子計時器已經開始倒數…
新船長室內有一定概機制
轉左或轉右, 唔係一個人話事
三五十人用幾星期時間開會討論方向
船外又不時有烏鴉飛過…..
紅色電話, 不時會響起, 內裡說話的人
帶很濃烈的口音, 幾乎由聽筒聞到紅高樑的氣味,
牆上掛了一幅相. 是個男人騎著白鴿在抽煙…
每次有暗令, 旁邊都有蝦兵蟹將附和.
蝦兵蟹將曾經也是正常的船員,
後來不知為何他們的外殼變紅了.. 有點討厭呢
===
船長時時腳痛, 很少說話. 說話也很慢
旁邊不時有一隻小犬幫忙打掃清潔…
有一次, 航線前面不遠處有一座大冰山
間機房突然又有海水滲入
燃油用得七七八八, 食物又差不多吃光了.
禍不單行, 很多船員染了大瘟疫
眾人心急, 密謀對策, 開了一個長長的會議..
當大家焦急的向船長報告開會結果
要求船長急急轉向, 他依然拿著船舵站著不動.
船長只輕輕回頭說了一聲……”早晨”
等待了很久的大冰山, 好像是被安排的狠狠撞上了…
===
…不多久, 天空打開了, 光曙中有天使飛到船上來
帶走了好一些朋友, 他們都很白很漂亮,
我為著他們驕傲…
有些人央求天使帶他們一起走, 天使不肯
天使說, 能受苦難的人才是有福的.
這只是苦難的開始.. . 你們是有大福份,
接著便飛走了.....
過了很久, 傷心了不知多少次..
===
有一天, 船上的氣氛很古怪….
很靜, 甲板上的人都靜靜的站著, 沒有作聲
奇怪每人手上都拿著小碗吃著一些肉..
走前看, 聞到了一陣肉味, 沿著氣味, 我向下層走到了廚房…
很多人在把肉一片片切開, 大家都很努力切
廚師滿頭大汗的在一個大碢前面,
落力的在煮, 加盬, 加味,
…我留意到他們都帶著恨意在斬, 在切, 好像要碎屍萬段
拿刀的人有穿西裝的, 有學生, 有地主
也有一些農民. 有婆婆老淚縱橫的在切..
我嚐試問他們這是什麼肉. …
他們沒有說出口, 卻遞給了我一碗.
味道不錯, 吃的時候有一種痛快感覺, 很爽
只是吃了之後.. 有一陣迷網, 失去了方向
不知覺流了一些眼睙…
我發覺, 船長不知何時失蹤了………
===
(未完待續)
沒有留言:
張貼留言